Folkehelse er eit område som er sett på dagsorden i samband med samhandlingsreforma og ny lov om folkehelsearbeid med verknad frå 01.01.12. Det er eit område som spenner seg over alle politikkområder, alle samfunnslag og alle aldersgrupper. Og ansvaret ligg no til kommunane i sin heilheit.

Som eit av tiltaka i helseplanen for Flora Kommune vedtok Helse og sosialutvalet tysdag 24 januar å opprette eit folkehelseråd i Flora Kommune. Folkehelserådet skal være eit rådgjevande organ for folkehelsearbeidet og skal bidra med forslag til å styrke kommunen sitt helsefremjande og førebyggande arbeid.

Det er sjølvsagt heilt naturleg at det nyoppretta folkehelserådet føl opp aktuelle satsingsområder i helseplan del 1 som i stor grad har fokus på eldre, men vi meiner også det er viktig å ha eit større fokus på barn og unge si helse. Vi fremma difor i HSU forslag om at folkehelserådet også skulle ha eit spesielt fokus på barn og unge sin psykiske og fysiske helse. Dette vart dessverre nedstemt.
Det vart også hevda i HSU at det ikkje er noko poeng å sette eldre og unge opp mot kvarandre. Og det er vi heilt einige i! Men no var det heller ikkje AP som gjorde det. Ved å fremje forslag om at folkehelserådet også skulle ha eit spesielt fokus på barn og unge ville vi likestille desse to viktige satsingsområda.

Det vart òg sagt i møtet av utvalsleiar at folkehelserådet skal arbeide på bakgrunn av vedteken helseplan og politiske signal blant anna. Vi registrerar då at posisjonen ikkje ville gje det signalet om at barn og unge også skal være ei prioritert gruppe. Argumentasjonen til administrasjonen og posisjonen om at ein kun skal arbeide med eit avgrensa område i kvar åremålsperiode stemmer ikkje overeins med at folkehelsesatsinga skal synleggjerast på alle nivå i kommunen og at ein skal arbeide systematisk over tid.

Karianne Torvanger, Ann Kristin Takle Winterthun og Maria Hovland Faye, AP sine representantar i HSU 24 januar.